 |
- Сунгги вактларда Равшан Собиров каерга гойиб булди деган саволлар барчанинг хаёлида чарх ура бошлади. Хакикатдан хам, нима учун охирги дамларда жуда камнамо булиб колдингиз?
- Камнамо булишимга сабаб, ижодда озгина танаффус килдим. Энди ана шу танаффусдан кейин факат янги кушиклар билан мени согиниб колган мухлисларимга юзланаман. Айтиш керакки, янги ижод намуналарим хакикий сюрприз булади. Кунимнинг ярми овоз ёзиш студияларида утаяпти. Альбомимга киритадиган олтита кушигим тайёр. Хозирда шунингдек, уларнинг учтаси учун мусикали клип олинаяпти. Куз ойларидан бирида булиб утадиган яккахон концертим учун тайёргарлик кураяпман. Шу харакатлар билан булиб, янги лойихалар туфайли мухлисларга куринмай колдим. Аслида эса мен шу ерда Тошкенти азимда ижодга шунгиб юрибман.
- Кушикчиликдан четланиб, актёр булишингизга нима туртки булди?
- Кушикчиликдан четланиб, бутунлай актёр булганим хам йук. Санъаткор булганлигим учун кинода хам узимни синаб куришга ахд килдим. Хорижий кушикчиларнинг аксарияти худди шундай килишади. Кушик айта туриб, турли фильмларда бир-биридан бетакрор роллар ижро этишади. Икки фаолият огирлик килмайди, халакит хам бермайди. Менимча, бир соха билан чекланиб колмай куп киррали санъаткор булиш лозим.
- Хуш, сахнада кушик айтиш кийинрокмикин ёки кинода рол ижро этиш?
- Уз тажрибамдан келиб чиккан холда сахнада кушик айтиш кинода рол ижро этишдан кура осонрок деб айтишим мумкин. Лекин бу билан кушикчилик килиш осон дея олмайман. Чунки хар бир соханинг узига яраша кийинчилиги булади. Хеч кандай ютукка кийинчиликсиз ета олмайсиз.
- «Хавфли бурилиш» фильмидаги ролингиз муваффакиятли чиккан деб уйлайсизми?
- Инсонннинг камчиликларини узидан кура атрофдагилар купрок сезишади, шундай эмасми. Шу боисдан ушбу ролимга мухлислар бахо беришса тугрирок буларди, менимча.
- Кушикларингизнинг хит булишига нима сабаб булади деб уйлайсиз?
- Студиядан бошим чикмай, айнан хит буладиган кушиклар хакида бош котираман. Хар бир кушигимнинг устида камида 3-4 соатлаб утириб, машк киламан. Ижро услубларини уйлайман, кандай куйласам мухлисларга манзур булиши хакида фикрлайман. Албатта, бу борада атрофимдаги мен билан бирга ишлайдиган мусикачиларнинг кимматли гояларини хам инобатга оламан. Колаверса, мухлисларимнинг узлари турли лойихалар таклиф этишади. Улардан илхом оламан десам адашмайман. Мана, озгина танаффусдан кейин янги хитлар яратишга кул уриб, сиз мухлисларга такдим этиш ниятидамиз. Тез кунларда радио, телевидение оркали жаранг топса не ажаб.
- Мухлислар кушикларингиздан бахра оладилар, сизчи?
- Хар бир кушигим менга худди фарзандимдек азиз. Уларни эшитганимда купрок танкидий куз билан карашга харакат киламан ва бахолайман. Агар кунглимга ёкмаган жойлари булса дарров узгартираман. Фарзандларни ажратиб булмайдигандек, кушикларимни хам буниси яхши ёки ёмон дея олмайман.
- Мухлислар хали сизда кашф этмаган кирраларингиз борми?
- Менимча, барча кирраларимни мухлислар билишади. Хаёт хали олдинда агар ижодимни кузатишда давом этишса, балки янги жихатларимни топишар.
- «Аскар» номли кушигингиз нафакат аскарлар, балки йигитларимизга хам манзур булган. Хатто харбий хизматни утаётганлар учун кутаринки рух багишлайдиган мардонавор тарона даражасига чиккан. Узингиз хам харбий хизматга борганмисиз?
- Ха, албатта. Икки йил харбий хизматни утаб, аскар булиш бахтига муяссар булганман. Аскар булиш хар бир мард йигитнинг бурчи, менимча. Кушикни аскарлик рухи ила хизматдаги дустларимни эслаб айтганман.
- Мухлислардан Равшан Собиров Райхона билан дуэт куйласа яхши буларди деган мазмунда таклиф тушди. Хатто мусикаси билан шеъри хам тайёр экан. Бунга нима дейсиз?
- Бу хакда уйлаб куриш лозим. Агар ушбу таклиф Райхона томонидан хам тасдикланса, иккаламиз келиша олсак яхши дуэт чикса керак, деган ниятдаман.
- Оилангиз хакида гапириб берсангиз.
- Оиламизда мендан ташкари акам, укам ва синглим бор. Ота-онам бошимизда соябон, Худога шукр. Уйланганимдан сунг янада купайишиб, биз алохида уй олиб чикиб кетдик. Рафикам билан хозирда ширин турмуш куриб яшаяпмиз. Узимни энг бахтли ота десам адашмайман. Чунки севимли фарзандларим - бир угил ва бир кизим бор.
- Санъатни танлаб уйлаган ниятларингизга эришдингизми?
- Хар бир инсон кайси касб эгаси булмасин, албатта олдига катта умид ва ниятлар куяди. Ва уша максадлар сари интилади. Биринчи зинадан кейин иккинчиси, унинг ортидан кейингиси ва хоказо. Шу тарика хаёт занжири богланиб кетаверади. Агар мен хохлаган боскичимга эришдим десангиз, санъаткор шу захоти тухтаб колади. Бизнинг сохамизда бу сузга урин йук. Зеро, санъаткор изланиш ва интилишдан хеч качон тухтамаслиги керак.
- Мухлисларингизга кандай янгиликларингиз бор?
- Янги альбомим якин кунларда чикади, насиб килса. Учта янги клипларимизни томоша килишга тайёр туришсин. Куздаги яккахон концерт дастуримда кутилмаган янгиликлардан вокиф булишади.
САИДА сухбатлашди
Avgust.2005 y.
