UNISITE

Мафтункор Прити

Прити Зинта хам томошабинлар, хам кинотанкидчиларга ёккан актрисалар сирасига киради. Болливудда бундайлар жуда кам учрайди. Уни Карина Капур, Рани Мукержи каби актрисалар каторида суперюлдуз деб тан олишади. Прити хар кандай кинопартнёр билан, агар у Шохрух ё Амир Хон ёки ака-ука Деоллар булса хам койилмаком жуфтликни юзага келтира олади.
Прити Зинта 1974 йил 31 январда таваллуд топган. Унинг хакикий исми Прити Жинта. Актриса Андхар – Прадеш штатининг Сеэ кишлогида тугилган. Бу кишлок Рохру водийсида жойлашган. Притининг отаси истеъфодаги полковник булган. У Прити Шимладаги Исо ва Марям пансионида укиб юрганида автохалокат туфайли вафот этган. «Отам вафот этганида 13 ёшда эдим, - эслайди Прити.- Хунграб йиглаганман деёлмайман. Аммо унинг улими менинг хаётимни узгартириб юборди. Мен бир кундаёк улгайиб колдим ва онам хамда укаларимга гамхурлик килишим кераклигини тушундим. Орадан бир неча йил утгачгина, энди отам ёнимда йуклигини хис килдим. Шундагина кузимга ёш келди».
«Ёшлигимда юк машинаси хайдовчиси булишни орзу килардим», - дейди Прити. У шахардаги Авлиё Беде коллежида укишни давом эттирди. Хатто Дехли Университетининг психология факултетига укишга кирмокчи хам эди. Агар киноленталар жозибаси уни узига ром этмаганида Притидан яхшигина психолог чиккан буларди. Прити жиноят психологиясига кизикарди. У хозир хам жиноятчилик олами билан кизикади ва купрок детектив асарларни укийди.
Шоу-бизнесдаги фаолиятини Прити Янги Дехлида бошлади. У модель булиб ишлаш билан бирга шоколад компаниясининг рекламаларида суратга тушди. Ана шу реклама оркали унга нисбатан кизикиш ортди. Бир гал кайсидир актриса суратга олиш майдончасига кела олмай колади. Шунда Притини таклиф этишади. Liril ва Perk реклама ролигидаги аёл роли эътибордан четда колмади.
Кинокарьера эса Шекхар Капурнинг экранга чикмаган Ta Ra Rum Pum Pum Pum фильми оркали бошланди. Киносиновга чакириш ва бош ролга тасдикланиш учун Притининг биттагина табассуми етарли булди. Аммо Шекхар Голливудда хам таникли булишини истар, шу сабабли Прити бу рол билан хайрлашишга мажбур булди. Шунинг учун хам уни илк роли Kya Kehna фильмида ёлгиз она булишни истайдиган енгилтак киз роли хисобланади. Ушбу фильм съёмкалари жуда узок чузилди ва 2000 йилдагина катта экранга чикди. Бу вактда Прити аллакачон машхур актрисага айланиб улгурганди.
1997 йил Аббос-Мустан режиссёрлар дуэти уни фильмга таклиф этишди. Прити Бобби Деол билан суратга тушган «Умрбокий исм» («Soldier») фильми хитга айланиб кетди. Кичик Деолни Прити Бобби Ди деб атайди. Айтишларича, фильм съёмкалари даврида улар вактни ажойиб утказишган. Бир-бирларига енгил хазиллар килиб, хузур килишган. Аммо Притининг дебюти Мани Ратнамнинг «Чин юракдан» («Dil Se») фильми булган. Гарчи фильм кинопракатда муваффакиятсизликка учраган булса-да, Прити томошабинлар эътиборини козониб улгурганди. Filmfare журнали кичик рол уйнаган булсада, уни энг яхши дебютант актриса мукофотига лойик топди. Орадан уч йил утиб, Прити шундай муваффакиятга эришдики, актрисалар унга хасад киладиган даражага етди. У суратга тушган фильмлар хитга айланарди. «Мен фильмларда уй бекалари ролини ижро этишни истамайман. Менга режиссёрнинг кимлиги мухим. Фильмнинг касса йигими хам мен учун ахамятсиз. Асосийси режиссёр яхши булсин», - дейди Прити.
Узок вакт суратга олинган «Енгилтак киз» (Kya Kehna) 2000 йилда хитга айланди ва Притининг роли юкори бахоланди. Унинг номзоди шу роли учун «Энг яхши актриса»ликка даъвогарлик килди. Аммо мукофот Каришма Капурга насиб этди. Гарчи мукофотга лойик топилмаган булсада, ушбу ролни Прити энг яхши ролим, дея эътироф этади.
Утида Саиф Али Хон ва Чандрачур Сингх билан бирга суратга тушаётган Прити гриппнинг огир шаклини бошидан утказди. Лекин барибир ишлашни давом эттирди. ОКрик босувчи уколлар унга мадад бериб турди. Бирок касаллик уз ишини курсатди. Ушбу фильм умуман муваффакиятга эриша олмади. Har Dil Jo Pyar Karega, Farz, Chori Chori Chupke Chupke ва Mission Kashmir фильмларидаги роллари эса мухлислар томонидан бехисоб олкишларга сабаб булди.
2000 йилда суратга олинган Mission Kashmir фильмида у телерепортёр ролини ижро этди. Прити съёмка жараёнидаги барча кийинчиликларни хамкори Ритик Рошан билан бирга бошидан кечирди. Кейинчалик улар яна биргаликда Ракеш Рошаннинг «Биз ёлгиз эмасмиз» («Koi Mil Gaya») фильмида хам суратга тушишди. «Ритик ишлаш энг осон булган партнёрим хисобланади», дейди Прити.
Актриса Амир Хоннинг ашаддий мухлисаси. Аммо Lagaan фильмида сир-синоатга тула ушбу актёр билан бирга суратга тушиш имкониятини кулдан бой бериб куйганди. Чунки уша вактда икки фильм съёмкалари сабаб, вакт ажратолмай колган. Бирок Фархан Ахтарнинг шарофати билан бироз кейинрок Амир Хон билан бирга суратга тушиш орзусига эришган.
Yeh Raaste Hain Pyaar Ke Каришма Капурга таклиф этилиб, якунда Прити Зинтага насиб этган учинчи фильм хисобланади. Ундан олдинги Har Dil Jo Pyaar Karega ва Sangharsh фильмларида хам худди шундай хол юз берган. Ушбу фильмда эса Прити узининг севимли актрисаларидан бири Мадхури Дикшит билан суратга тушиш бахтига муваффак булди.
Прити Жанубий Уиндистон фильмларида хам суратга тушиб туради. У иштирок этган жанубий фильмлардан бири Prince №1 унчалик машхур булмаган булсада, аммо фильмдаги кушиклар томошабинлар томонидан яхши кутиб олинган.
Притининг феъли жуда галати. У шу кадар хакгуйки, бунинг окибатида бошкаларнинг кунглига озор етказиб хам куяди. У уз хаётини бошкалардан умуман яширмайди. «Мен шунчалик очиккунгилманки, бошкалар мендан нима кутиш мумкинлигини аник билишади». Аммо Прити жуда кунгли буш киз. «Арзимаган нарсалар учун хам кайгуравераман», - дейди у.
Унинг энг ёктирган машгулоти: «бир тонна музкаймокни кизганчикларча кемириш, саёхат килиш ва хинд мусикаларини тинглаш».
Унинг очиккунгиллигига сабаб, куп гапиришидан булса керак. «Тан оламан, куп гапираман. Хатто тинимсиз «сайрашим» хам мумкин».
Притининг дустлари билан учрашуви мухлислар мухокамасидан четда колмайди. Балки шунинг учун хам унинг модель Марк Робинсон билан ишкий саргузаштлари ёки Рани Мукержи билан дустлашиши катта шов-шувларга сабаб булгандир. Актрисалар бир-бирларининг сочини юлиб жанжаллашишлари мухокамаси Болливуд учун оддий холга айланган. Аммо Прити Зинтанинг иккита фильмда хамкорликда суратга тушган Рани Мукержи билан дустлашиши мухокамаси анчагина гайриоддий эди. «Биз дугоналармиз. Аммо актриса булишимизга карамай, съёмка майдонида танишмаганмиз». Хакикатан хам съёмкалар жараёнида уларни нукул хиринглаётган ёки гап сотишаётган тарзда учратишарди.
«Мен она бурига ухшайман, - дейди Прити. Болливудда хам дустларимни ёмон бурилардан химоя килишга уринаман. Дустларимни хафа килганларни гажиб ташлашга хам тайёрман. Балки шунинг учундир, йигитлар мендан нарирок юришади. Менимча, одамларда хавфли таассурот колдирсам керак». Кизлардан кура, йигитлар орасидан унинг дустлари куп. Аммо уларнинг хаммасини севавермайди.

Keyingi maqola... Sharxlash 10.06.2006