UNISITE

АКШ ДОЛЛАРИ ТАРИХИ

Доллар сузи урта асрлардаги дастлаб 1519 йилда Германияда пайдо булган танга номи “Таллер”дан келиб чиккан. 1873 йилда таллер Германияда бутунлай муомаладан чикиб кетди. Унинг урнига марка кириб келди. Бирок унинг номи халк орасида колиб кетди. Шу пайтларларда Англия ва Испания колонияларида песо номи билан машхур булган испан тангалари муомалада булган. Бу тангаларни куп жойларда адашган холда “dalar” деб аташар эди. Бизга машхур булган доллар номи хам унинг дунёга машхур белгиси доллар хам уша пайтда пайдо булган. Узун инглизча ибора “piese of Eight”, яъни 1/8 (нимчорак) когозда учирилган 8 га айланиб, охир-окибат бизга таниш булган доллар белгиси пайдо булган. 1879 йилда АКШ хукумати давлатнинг расмий валютасини муомалага киритиш чогида унга хеч иккиланмай хаммага маълум ва машхур булган доллар номини танлашди. Уша пайтда машхур шахслардан бири “Янги Америка узининг янги пулига жуда эски ном танлади” - деган эди. 1792 йилда муомалада булган АКШ пулининг таркибидаги соф олтин микдори 1,6033 гр ёки 24,057 гр соф кумушдан таркиб топган эди. 80 йиллардан сунг, яъни 1876 йилда мазкур олтин тангалар давлатнинг расмий пул бирлиги сифатида тан олингандан сунг унинг таркибидаги соф олтин микдори 1,50463 гр килиб белгиланди. Бу микдор АКШда яна 30 йил, 1929-33 йиллардаги жахон иктисодий кризисигача амалда булди. Шу алфозда кабул килинган “олтин захираси” хакидаги хужжатга биноан, тилло микдори 0,88867 гр.га, яъни 41 фоизга туширилди. Шу пайтда Троя унциясининг нархи 35 доллар эди. II-жахон урушидан кейин АКШ дунёдаги хукмронлигини мустахкамланиши билан долларнинг дунёдаги урни хам аста-секин билиниб борди. Маршал шартномасига асосан, вайрона холга келган Европага АКШ инвестицияси билан биргаликда долларнинг йирик окими хам кириб кела бошлади. Уруш туфайли ачинарли ахволга тушиб колган Европада долларнинг кенг истеъмолга кириши кийин кечмади. Шу пайтда Европанинг марказий банкларида долларни исталган Европа давлати пул бирлигига ёки келишилган микдордаги олтинга алмаштириб олиш мумкин эди. Бирок ХХ асрнинг 60-йиллари урталарига келиб, долларнинг кадри тушиб кета бошлади. Инфляциянинг усиши ва АКШ савдо балансидаги танкислик навбатдаги доллар девальвациясини келтириб чикарди. 1971 йилнинг охирида олтиннинг бир унцияси 38 долларга чикди. Долларнинг таркибидаги олтин микдори эса умуман тухтатилди. 1973 йиллар яна 10 фоизга девальвация килинди. 1974 йилнинг февралига келиб, олтиннинг бир унцияси дунёнинг йирик биржаларида 150 долларга кутарилди. Хозирги кунда бу курсаткич 260 долларни ташкил этади. 100 йил мобайнида доллар 10 баробар арзонлашди. Аммо олтин стандартидан воз кечилган пайтда доллар ер юзининг купчилик ахолисини ишончини козонган эди. Куплаб давлатларнинг норасмий пулларига айланиб колди. Охирги йилларда эса Жанубий Америка давлатларининг купчилигида доллар асосий пул урнида кулланилмокда. АКШдан бошка яна 26 давлат пул бирлиги доллар номи билан юритилади. Замонавий “долларчи” давлатларнинг катта кисмини Британия империясидан мустакил булгандан сунг кабул килишган. 1857 йилда Канада Британия колониясидан доминьонига айланган вактдан бошлаб, бу давлатнинг расмий пул бирлигига айланди. Шунинг учун хам хозирги пайтда замонавий Канада банкнотларида хам Британия кироличаси Елизавета II ни портрети акс этган. Охирги муомалага киритилган долларлардан бири - бу Сингапур долларидир. 1967 йилда кенг муомалага киритилган ушбу банкнотлар кушлар, кемалар, гуллар ва бошка нарсалар билан безатилган. Бу пул дунё пуллари ичида хам энг чиройли булишига даъвогарлик килади. Лекин замонавий АКШ долларлари эса хамон ХХ аср бошидаги тасвирини узгартирганича йук. Олд кисми кулранг, оркаси яшил. Барча банкнотлар бир хил улчамда (157х67 мм). ХХ аср охирига келиб, пул калбакилаштириш авжига чиккан пайтда долларнинг содда куриниши давр талабига жавоб беролмай колди. Якин-якингача пулни калбакилаштириш жуда осон эди. 1996 йилда чиккан долларнинг янги нусхаси фирибгарлар учун жиддий синов булди.

Keyingi maqola.... Sharxlash 10.06.2006